Biberstufe

Mit Freud drbi

Wir Biber sind 4-6 Jahre alt und treffen uns jede Zweite Woche im Wald. Die Natur entdecken wir gemeinsam mit unseren Leiter*innen und erleben viele kleine Abendteuer. Wir rennen herum, basteln kleine Dinge, erleben den Wald mit all unseren Sinnen, suchen Schätze und essen auch ganz gerne zusammen Z'Vieri. Alles was wir erleben, findet in unserer kleinen Bibergruppe statt. Das Leitungsteam besteht aus sehr erfahrenen Leitenden, welche immer auf uns schauen aber uns Biber auch mal machen lassen.


Lust zum vorbeischauen? Melde dich bei:

Aqua oder +41 76 397 08 02

23 Jahresprogramm Biber.pdf
23 Jahresbericht Biberstufe.pdf
Anmeldetalon Pfadi Rhf.pdf

Cupido - Linus Dickmann

Salut zämme,

 

Min Pfadiname isch Cupido aber die meiste nenne mich Cuppe.

Im Johr 2006 han ich d Pfadi für mich entdeckt und bin sither voller Härzbluet mit debii.

Vor minere Zyt als Biberleiter han ich bereits mehrjöhrigi Erfahrige als Pfadi- sowie als Pioleiter dörfe sammle. All die Erfahrige dörf ich jetzt sit mitti 2022 bi de Biber iibringe und de Kinder so witerhin die schöne und blibende Erläbnis biete die ich sälber in minere Zyt als Pfadi erläbt han.

 

Näb de Pfadi schaff ich teilzyt im bundesnohe Umfäld und studiere an de Uni Basel.

 

Allzeit Bereit und mit Freud drbi, 

Cuppe

BiToku - Gabriel Kündig

Sali zämme, min Name isch Gabriel Kündig, aber in de Pfadi heiss ich BiToku. Sit 2014 bin ich jede Samschtig fröhlich i dPfadi gange. Ab 2019 Pio bin ich in de Piostufe Nimmerland gsi und ha mich im Bundeslager 2022 dezue entschide in de Biberstufe zleite. Bis jetz bereu ichs kei Stück und freu mich uf jede Samschtig dusse in de Natur mit mine Mitleitende und all unserne tolle Biber!


Unter de Wuche gang ich ans Gymnasium Leonhard mit em Schwerpunkt Musik, wo ich im 2023 schliesslich mini Matur mach.

Bis am Samschtig - BiToku

Eyja - Anaïs Schmidt

Salüü zämme,
Ich bi d Anaïs Schmidt aber die Pfadi heiss ich Eyja. 2012 bin ich bi minere erschte Wölfliüebig gsi, was ich als eini vo mine beschte Entscheidige bezeichne würd. Siit dem verbring ich alli mini Samstignomittäg in de Pfadi. Do sind vieli vo mine beschte und längschte Fründschafte entstande. Nachdem ich 2015 in Pfadi übertrete bin, ghör ich sit 2020 au zude beschte Piogruppe Matrjoschka.

Jetzt dörf ich sitem Herbscht 2021 d Biber jede zweite Samstignomittag ufeme neue Abendtüür begleite. 

Näb de Pfadi gang ich ins Gymi Münschterplatz in Basel mitem Schwerpunkt Spanisch. 

Bliibet motiviert und bis neggschte Samschtig- Eyjaaaa

Aqua - Sinia Gloor

Hoi Zämme! 

Min Name isch Sinia Gloor aber do ide Pfadi heiss ich Aqua. Ich ha im Johr 2012 sGlück gha, dass mich e gueti Kollegin mit a mini ersti Pfadiüebig gno hett und has vo Afang ah super gfunde! Ich bin sitt dem immer ide Pfadi gsi und leit jetzt sitt em März 2019 unseri jüngste Mitglieder, d Biber. Näbe de Pfadi studier ich in Züri ade ETH Umweltnaturwisseschafte, de Weg haltet mi aber trotzdem nit devo ab all zwei Wuche nach Rhiifelde id Pfadi zgo!

Allzeit Bereit
Aqua

Doopey - Jonas Petermann

Also, ich leit sitem Früehlig 2007 bi Toomai mitem Avisto und em Radio zäme. Ich sälber bin sit 2001 bide Pfadi debi. Noch de 2. Stufe bini es Johr ide 3. Stufe gsi und jetzt Leiter. D Pfadi het mir scho sitem erschte Tag grosse Spass bereitet und ich bin froh debi zsi.

Ich bsuech in Liestal d WMS, die got 3 Johr. Anderi Beschäftigunge usser Pfadi sind no Trompete spile und mit Kollege in Usgang goh.

Tja, das wärs denn au scho füre Afang.. Ich freu mi uf viel interessanti Johr als 1. Stufe Leiter.

Mis Bescht
Doopey

Tabasco - Diego Mannhart

In dr Pfadi bini dr Tabasco und sit minr allererste Wölfliüebig bidr Tanksperri 1999 drby. Genau so unvrgässlich wie de ersti Alass isch au so zimlig jedes andere Abendtür gsi, woni in dr Pfadi ha dörge erlebe. Pfadi macht mir au jetzt no immr so viil Spass wie dazumals. Irgndwenn bini denn Pfadileiter und schliesslich Abteiligsleiter worde, bevori mit e paar andrne Leitende d Bibrstuefe ufzoge hen. Weni nid grad in dr Pfadi bin, denn schaffi im Gsundheitswese, spiil e paar Volleybäll übrs Netz odr tribmi neume in de Bärge umenand.

Allzeit Bereit und mit Freud Drby

Tabasco

Kalika - Rafaela Rindlisbacher

Hallo Zäme :)

Sit 2010 bin ich i de Pfadi und sit d Biberstufe ahfangs 2019 gründet worde isch, bin ich dört Leiterin. D Pfadi het mir i minere Chindheit und Jungend sehr viel Freud bereitet und es isch mega schön de Biber es Stückli vo dem chönne witer z geh!

Neb de Pfadi bini glehrti Bankkauffrau. Ich Reis unglaublich gern und bi scho an sehr vielne Ecke vo dere Welt gsi. Ich due gern organisiere und plane & wett mich drum au brueflich in die Richtig witerentwickle. 

Allzeit Bereit
Kalika