Pfadistufe

Allzeit Bereit

Jugendliche im Oberstufenalter (ca. 11 bis 15Jahre alt)

Mit etwa 11 Jahren treten die Wölfe zu uns in die Pfadistufe über. Im Vordergrund stehen Aktivitäten in der Natur, Abenteuer und dabei natürlich eine Menge Fun!

Wir Pfadi legen grossen Wert auf das Gemeinschaftsleben und sind meist im Freien anzutreffen. Unsere Quartalsthemen bringen uns auf andere Kontinente, in ferne Länder und andere Zeiten. Wir besuchen die Römer und Ritter, Inkas und Goldgräber in Alaska oder wir suchen den Yeti im Himalaya.

Dabei lernen wir vieles, das wir auch für unsere Zeltlager brauchen können: uns mit Karte und Kompass orientieren, die Natur zu beobachten, mit Seil und Kochtopf umzugehen, Aufenthaltszelt und Lagerturm bauen.

Höhepunkte eines Pfadijahres sind die beiden Weekends im Hobelhaus Hochwald, das Pfingstlager und natürlich das zweiwöchige Sommerlager. Dieses verbringen wir an unterschiedlichsten Orten der Schweiz, so entdecken wir immer wieder neue schöne Gebiete. Mit Zelten, Blachen, Küchenmaterial, Seil und Werkzeug bauen wir unser eigenes Feriendorf. Wir unternehmen Vollmondwanderungen, baden im nahen Bach oder bauen eine Lagersauna.

Das wesentliche Ziel der Pfadistufe besteht darin, den Pfadi die Möglichkeit zu geben, sich persönlich weiterzuentwickeln und in einer Gruppe Verantwortung zu übernehmen. Darum finden viele Aktivitäten in der Gruppe (Fähnli) statt, die von zwei Leitpfadis geleitet werden. Grundlage der meisten Aktivitäten ist jedoch der gemeinsame Pfadistamm Farnsburg. Der vom folgenden Leitungsteam geführt ist.


Lust auf Abenteuer? Melde dich bei Naerma  oder +41 76 518 86 50

24 Jahresrückblick Pfadi.pdf
24 Jahresprogramm Pfadi.pdf
Notfallblatt Pfadi Rheinfelden.pdf
Anmeldetalon Pfadi Rhf.pdf

Meteo - Julian Schaffner

Sali zämme, ich bi de Meteo und bin scho sit klie uf bi de Pfadi debi. Begonne als Wölfi dennoch witer als Pfadi und zum Schluss bin ich in d'Piostufe Aquila überträte.

Sit em August 2023 leit ich au in de Pfadistufe. Das isch für mich e extrem lohnendi Erfahrig und ich freu mich druf mit de Kinder in de Natur zu sie, zämme z'lärne, tolli sache z'erläbe und viel Spass z'ha.

Näb minere Lideschaft für Pfadi besuech ich s'Gymnasium Kirschgarte in Basel, das ich vorgseh 2026 abschliesse wird.

Ich freu mich uf mini Zit als Pfadi-Leiter

All Zeit Bereit!
De Meteo

Lopaka - Pietro Garzotti

Hello zäme

Ich bi de Lopaka und im normale Alltag kennt me mich als Pietro Garzotti. Sit 2013 bini voller Freud und Motivation i de Pfadi Rhyfelde debi. 2022 bin ich an miim Geburtstag i de Piostufe Aquila übertrette und nach ziemlich genau e Johr aaschliessend Leiter bi de Pfadistuefe worde.

Näb de Pfadi gangi ans Gymnasium Leonhard mitem Schwerpunkt Italienisch und LeO².

Ich freu mich uf die neggste unvergässliche Johre!
Allzit bereit, Lopaka

Capri - Aylin Meier

Hey zämme

Ich bi d Aylin Meier, in der Pfadi wird ich aber Capri gnennt. Sit 2017 bin ich in dr Pfadi Rhyfälde debi und 2020 denne au in die beschti Piostuefe Matrjoschka koh. Im Summer 2022 bin ich aber es Johr in es Ustuschjohr nach Costa Rica. Sit em Sola 2023 bin ich Leiterin, was mir viel Spass bereitet.

Unter de Wuche gang ich ins Gymnasium Leonhard mit em Schwerpunkt Spanisch. In de Freizyt bin ich gärn dusse unterwägs.

Uff villi witeri Johr in dr Pfadi Rhyfälde Allzeit bereit, Capri

Ollera - Elisa Schluchter

Hoii zämme ich bin d Elisa Schluchter und in de Pfadi nennt mer mich Ollera. Ich bin sit em Summer 2011 mit vollem Elan in dr Pfadi. 2020 bini in d Piostuffe Matrjoschka übertrette und sit em Ufla 2022 bin ich e Teil vom Pfadileitigsteam.

Nebe dr Pfadi gangi ans Gymnasium mit em Schwerpunkt Wirtschaft und Recht. Zudem spieli no aktiv Handball im SG Magdenmöhlin und Trainier d U11 im TV Magden.

Ich freu mi riessig uf die nöchste Johre!

Allzeit bereit
Ollera

Atropa - Valeria Böller

Sali zämme

Ich bi d‘Atropa und sit em Joor 2015 in de Wölf. Nochher ganz gli ind Pfadi übertrete und dennoch e Teil vode beschte Piostufe, матрëшка, worde. Sitem Ufla 2022 bini topmotiviert im Pfadileitigsteam debi.

In und näb dr Pfadi liebis mini Zit inde Berge z’verbringe.

Unter de Wuche bsuechi s’Gymnasium am Münsterplatz mitem Schwerpunkt Spanisch. 

Allzeit Bereit
Atropa

Naerma - Leonie Gasser

Heey zämme

Min Name isch Leonie Gasser und in de Pfadi kennt me mich als Naerma. Ich bin siit 2013 in de Pfadi debii.
Vieli tolli, spannendi und abendtürlichi Moment hani in dere Ziit scho dörfe erlebe.
Im Herbst 2020 bin ich denn in d Piostufe матрëшкa übertrette. Und sit em UfLa 2022 bin ich Leiterin bi de Pfadistuefe.
Neb de Pfadi mach ich e Usbildig als MPA (Medizinische Praxisassistentin).

Ich freu mich uf wiiteri tolli Erlebnis!
Allzeit bereit, naerma

Cosmo - Samuel Fröhle

Hallo zämme

Ich bin de Cosmo und bin scho lang debi. Ich bin sitem Früehlig 2010 in de Pfadi und es packt mich immerno glich fest wie am erste Samstig. Vor minere Piozit bin ich jede Samstig an d’Aktivität cho und wird das hoffentlich no lang so mache. 

Sitem Mai 2020 leit ich in de Pfadistufe und will de Pfadis mini Freud wyttergeh. S’Leite macht mir sehr vyll Spass und find es immer spassig es Lager oder e Aktivität z plane und denn durezfüehre. 

Näb de Pfadi spieli no Trompete im Orchester und das macht mir au sehr Spass. 

Und wenns d’Zyt zueloht gangi no ans Gymnasium z’Muttenz mitem Schwerpunkt Mathe und Physik. Mini Matur machi denn im Summer 2022.

So, das isch glaub gnueg vo mir, ab an die früschi Luft! ;)

 

Allzeit bereit, Cosmo